Patay ru kaeapit-baeay matapos ru pag-inaway sa tunga it biktima ag suspek sa Brgy. Tigayon, Kalibo, Aklan.
Nakilaea ru biktima nga si Frederick Calizo, 50 anyos it nasambit man nga lugar.
Samtang, ru suspek hay nakilaea man nga si Leonido Legaspi, Jr., sa legal nga edad.
Naka angkon it tama’t pagbuno sa dughan ru biktima dahilan it pagkamatay.
Gin daea sa hospital ru biktima apang gin deklara it doctor nga dead on arrival.
Nasayuran nga naga katueog ru biktima kat gulping habugtaw dahil sa pag sininggit it suspek rason nga gin guwa raya it biktima ag ikara imaw eagi nga binuo.
Sa aligasyon it suspek, una imaw nga gin eabo sa ueo gamit ru espanding kat sanda hay nag argumento rason nga bumaeos.
Nasayuran nga dating alitan ru gin halinan it away sa tunga it biktima ag suspek.
Temporaryo nga naka hunong sa Kalibo MPS ru suspek ag may posibilidad nga paga pasakaan it kasong homicide ru suspek.//MARIVIC Y. ILIN
