Inihayag ni Presidential Communications Operations Office (PCOO) Secretary Trixie Cruz-Angeles na wala pang kumpirmasyon kaugnay sa living arrangements ni President Ferdinand Marcos Jr. at ng kanyang pamilya.
Matatandaang sinabi ni Ambassador Jose Manuel Romualdez na opisyal ng naninirahan ang Marcos family sa Bahay Pangarap sa loob ng Malacañang Park.
Sinasabing maging ang mga dating pangulo na si President Rodrigo Duterte at President Benigno Aquino III ay nanirahan din sa naturang bahay.
Samantala, nauna ng tumanggi ang kampo ni Marcos na sagutin ang tungkol dito dahil sa ilang security concerns. (ARGIE ERGINA)
