Nagbabala ang Department of Health (DOH) sa publiko kaugnay sa kumakalat na old face mask advisory sa bansa.
Ayon sa DOH, ang naturang abiso ay noong February 8, 2020 pa kung saan nakasaad na hinihikayat ang mga taong walang sakit na pwedeng hindi na magsuot ng face mask.
Base sa abiso, hindi umano ito angkop sa kasalukuyang sitwasyon ng bansa kung saan nadiskobre ng mga eksperto noon na posibleng makuha ang Covid-19 sa hangin.
Samantala, iginiit ng ahensya na ang tamang health advisory ngayon ay patuloy na magsuot ng face mask kahit sa mga lugar na isinailalim sa Alert Level 1. (ARGIE ERGINA)
