Nag angkon it nina sa tiyan ro sangka eaeaki matapos raya nga bun-on it anang igmanghud sa Brgy. Kinalangay Viejo, Malinao, Aklan.
Ginkilaea ro biktimang si Joseph Isagre y Dela Cruz 31yo samtang ro suspek hay ro anang igmanghud nga si Vicente Isagre y Dela Cruz 42yo, parehung residente sa nasambit nga lugar.
Sa interview it Brigada News FM Kalibo kay PLT Sacarias Rose, OIC Chief of Police it Malinao MPS, halin sa sangka okasyon ro magmaeanghud ag nagka-inuman.
Bangud sa parehu nga sa impluwensya it aeak ro daywa, samtang nagapauli ro mga raya sa andang baeay hay nakaangkon it mainitang diskusyon sa tunga nanda rasun agud mabuno it suspek ro biktima nga naka confine makarun sa ospital.
Sa makarun hay nakakulong eon ro suspek sa Malinao MPS. / ANN DESLENE SALAZAR
