Nagpa rekord sa Kalibo MPS ro sangka babaye matapos segun nga mabangga it tricycle ro anang saeakyan.
Sa report it complainant nga si Ma Fe Tolentino nga taga Brgy. Guinbaliwan New Washington, Aklan, samtang naga manehu imaw it anang kotse sa may Roxas Avenue, hay gulpi eon lang raya nga sinunggaban it sangka tricycle.
Matapos mabangga hay basta eon lang imaw inaywan it tricycle, pero naboe-an nana raya it body number rasun nga ginpakamayad nana nga ireport sa pulis ro insidente para sa imbestigasyun.
Nasamad man ro prente it kotse it complainant. / ANN DESLENE SALAZAR
