Naninahan ro mag lola matapos masaeawig it sangka 10 wheeler truck ro andang ginasakyang tricycle sa may Brgy. Aranas, Balete, Aklan.
Ginkilaea ro mga biktimang sanday Rico James Rebuelta 20yo, driver it tricycle ag ro lola kara nga si Jessie Matias 62yo.
Samtang ro driver it truck hay ginkilaea nga si Rodel Unating 36yo nga taga Ivisan Capiz.
Sa report, nagapundo ro tricycle it mga biktima pero bangud nag-lock segun ro manubela it nasambit nga truck rasun nga umarangkada raya ag hasaeawig ro sangka dump truck, topdown ag tricycle it mga biktima.
Insigida man nga dinaea ro mag lola sa sangka pribadong ospital sa Kalibo samtang ro driver it truck hay ginkustodiya sa Balete MPS para sa dugang nga imbestigasyun. / ANN DESLENE SALAZAR
