NAGA CITY- Lumagpas na sa 146K ang nabakunahan laban sa COVID-19 sa Naga City.
Ayon kay Mayor Son Legacion, 102% na ito ng vaccination coverage sa edad 18 at pataas. Ang mga edad 12-17 anyos naman ay 83% na, pero problema pa ng lungsod ang 13% pa lamang sa edad 5-11 anyos , delikado lalo na’t may limited face-to-face classes.
Ayon pa sa alkalde dapat mabakunahan pa rin ang mga bata ngayong nasa labas sila at maraming kasalamuha.
Nais ng LGU na marami pa ang nabakunahan dahil may banta pa rin ng virus , higit rito ang mataas din na vaccination rate ang isa sa mga dahilan kung bakit ilang buwan nang Alert Level 1 ang business hub na lungsod, ang Camarines Sur naman ay nanatili sa Alert Level 2.
