Patay ru driver it motorsiklo nga sangka menor de edad samtang naninahan ru back rider matapos nga maaksidente sa karsadahon it Brgy. Cabugao, Batan, Aklan.
Nasayuran nga sangka 17-anyos ru namatay, samtang naninahan sa naga kasari-saring parte it kaeawasan ru back rider nga si Michael Flaviano, sa legal nga edad, tanan mga residente it Brgy. Lumaynay, Altavas, Aklan.
Sa imbisitgasyon, nag overshoot sigun ru gina sakyan nga motorsiklo it mga biktima dayon inapok ag tumama sa mga nga naka stock nga bakal.
Naka angkon it fatal nga igo sa ueo ru driver samtang naka angkon it fracture ag nina sa kaeawasan ru back rider nga si Michael.
Eagi man nga gin daea sa Altavas Hospital ru mga biktima apang gin deklara it doctor nga dead on arrival ru driver nga sangka menor de edad.
Samtang, padayon pa ru imbistigasyon it mga kapulisan sa insidente.//MARIVIC Y. ILIN
