Hahapitan it sanduko ru waea nga parte it li-og it sangka 60 anyos nga eaeaki matapos nga uwa mag kailintindihan sa tunga it suspek ag anang asawa sa Brgy. Laguinbanwa-East, Numancia, Aklan.
Nakilaea ru suspek nga si Aldren Petropes, 33 anyos residente it nasambit man nga lugar samtang ru biktima hay nakilaeang si Danilo Sarino, 60 anyos.
Gin paukpan sigun it suspek ru alagang ayam it kaeapit baeay matapos nga magwala ru suspek.
Nag-awat eamang ru biktima sa suspek rason nga naigu-an it sanduko.
Temporaryong naka detaine sa makaron ru suspek sa Numancia MPS para sa naga kaigonga disposition.//MARIVIC Y. ILIN
