Aminado narin sa kanilang pagkatalo sina re-electionist Senators Richard Gordon at Leila de Lima sa 2022 elections.
Sa hiwalay na pahayag, ginagalang ng outgoing legislators ang naging desisyon ng taumbayan.
Kaugnay nito, binati ni Gordon ang mga nanalo at hiniling ang tagumpay sa malaking trabaho na naghihintay sa kanila.
Samantala, sa kanyang hand-written notes, pinasalamatan rin ni De Lima ang kanyang mga tagasuporta, at sinabing wala siyang pinagsisisihan sa pagsisilbi sa bansa at sumubok sa isa pang termino sa Senado sa kabila ng kanyang pagkakakulong.
Sa latest partial, unofficial tally mula sa Commission on Elections (Comelec) transparency servers, si Gordon ay nasa 22nd spot, habang sumusnod si De Lima sa 23rd.
