Sumali ang Filipino-American guard Sedrick Barefield sa nalalapit na PBA Rookie Draft, matapos ang stint nito sa Oklahoma City Blue sa NBA G League.
Ayon kay Coach Cris Gopez ng Fil-Am Nation, pinoproseso na ang aplikasyon ni Barefield.
Sa May 7 ang deadline ng para sa aplikasyon ng PBA Rookie Draft, kung saan ang mga Fil-foreign applicants ay kailangan lang na magsumite ng valid Philippine passport.
Ang 25-year-old ay naglaro sa collegiate basketball para sa Southern Methodist University at ng University of Utah, at naging undrafted sa 2019 NBA Draft.
Lumagda naman ito sa Oklahoma City para sa G League, kung saan may average ito na 9.0 points, 1.42 rebounds, at 1.33 assists per game sa 2019-20 season. //MHEL PACIA-TRINIDAD
