NAGA CITY- Mahigit 1,500 na bakanteng trabaho ang ino-offer sa Jobs Fair na gagawin sa Robinson’s Place Naga City sa Mayo 1, Labor Day.
Sinabi sa Brigada News FM Naga ni Johana Gasga, tagapagsalita ng DOLE- Bicol, local jobs ang karamihan; mga manggagawang kailangan ng mga kompanya, opisina at iba pa. Kailangan mag register online ang mga job seekers mula sa Naga at Camarines Sur upang maging mas madali ang proseso.(dolero5.com/jobfair/RegOnline_)
Samantala kung ikukumpara noong 2021, tumataas na ang employment rate sa Bicol, ang mga programa aniya ng DOLE ay nakakabit na sa economic recovery.
Para naman sa mga nadisplaced sa trabaho at mga self-employed nagpapatuloy ang TUPAD or Tulong Panghanapbuhay sa Ating Disadvantaged/Displaced Workers.
