Hindi pinaporma ng Boston Celtics ang Brooklyn Nets para tuluyang kunin ang Game 2 at angkinin ang 2-0 lead sa first round ng NBA playoffs.
Matinding depensa ang ipinamalas ng Celtics kung saan nalimitahan lamang sa 10 points si Kyrie Irving sa 4/13 shooting.
Bagama’t may 27 points si Kevin Durant inalat din ito sa 4/17 field goal shooting.
Nagtala naman ng double-digits sa scoring ang lahat ng starters ng Celtics sa pangunguna ni Jaylen Brown na may 22 points at Jayson Tatum na nag-ambag ng 19 points at 10 assists.
Susubukan naman ng Nets na makabawi sa Game 3 na gaganapin sa kanilang home court sa Linggo, April 24, 2022.
