Iimbestigahan ng Commission on Elections (Comelec) ang shooting incidents sa Bukidnon at Lanao Del Sur, upang matukoy kung ang mga ito ay may kaugnayan sa eleksyon o hindi.
Ang pahayag ni Comelec chairman Saidamen Pangarungan, ay matapos masugatan ang walong katao, matapos na magbarilan ang mga miyembro ng dalawang pamilya sa Lanao del Sur.
Maliban dito, may limang indibidwal rin na sugatan matapos na barilin si labor leader Leody De Guzman, at ang partido nito, kasama ang grupo ng indigenous persons sa Quezon Bukidnon.
Kinondena naman ni Pangarungan ang naturang mga karahasan, at sinabing mag-aalok ang poll body ng karagdagang security detail para sa lahat ng presidential at vice-presidential candidates sa gitna ng imbestigasyon, kung hihilingin umano ng mga ito.
#MPT
