PRAKTIKAL gayud nga himuong 100 percent ang sweldo sa mga job order workers sa LGU gikan sa P7,000 ngadto na sa P14,000 sa kada bulan.
Kini ang personal nga panglantaw ni Philip John Quimosing, city budget officer sa GenSan sa proposed ordinance nga giduso sa konseho.
Segun niini, bisan pa kung maaprobahan, ang burden anaa na sa sunod nga administrasyon tungod ang mga job order worker naka-renew na sa ilang bag-ong kontrata sugod Enero hangtud Hunyo.
Kung ang mga job order sa national agencies, nagadawatan og mas taas nga sweldo, nagtuo si Quimosing nga makatarunganon lang usab nga parehason ang sweldo sa mga job order workers sa LGU.
Hinuon, aminado kini nga ang tanan modependi gihapon sa musunod nga administrasyon, kung ipabilin ang kasamtangang ihap sa mga job order workers, himuon silang regular o doblehon ang ilang suhulan.
