NAGPABILIN nga nagapaabot pa gihapon ang 109 nga mga nasunogan sa Saeg, Brgy. Calumpang nga makadawat sa gisaad sa National Housing Authority kon NHA nga P30,000 alang sa ikaduhang hugna sa pagahatagan sa maong ayudad.
Kini ang pagkahuman nga hangtod karon wala pa miabot ang maong pundo gikan sa nahisgotan nga departamento.
Kahinumdoman nga unang gipasalig usab ni Myla Gonzalo sa NHA-12 ug incharge alang sa taga-Saeg nga kon ugaling nga muabot na ang pundo sa rehiyon gilayon nila kining itunol ngadto sa mga benipisyaryo sa maong tabang.
Kalabot nini gipamahayag ni Gonzalo nga sa kasamtangan wala sa ilang kontrol ug nganong nadelatar ang pagpanaog sa pundo alang sa mga nahabilin nga wala pa nakadawat sa maong hinabang.
Nasayran mikabat sa sobra na sa lima ka bulan ang paghulat sa mga nasunogan sa maong kantidad pagkahuman nga miabot kanila ang wala ginalauman nga paghitabo kaniadtong Nobyermbre sa nakalabay nga tuig. I Danny Casi
