Nakit-an ro bangkay ni Marina Silao Bora, 86-anyos nga sa early stage of decomposition eun sa Brgy. Calaboa Este, Sta. Barbara, Iloilo.
Ginapatihan nga ginbuno ro babaye bangud sa patal nga tama nga naangkon sa waea nga parte it dughan.
Base pa sa pahayag it sambilog ka brgy. kagawad, nadiskubrehan ro bangkay it babaye kat may sambilog ka bata nga masag-ob kunta it tubi sa lugar pero nakahugom raya it mabaho ng hugom.
Ginlingling pa nana sa bintana si Bora pero abi it unga nga nagakatueog eamang ro babaye rason nga nag-adto raya sa barangay.
kat ginbuksan ro kwarto it persona, nakumpirma it mga otoridad nga patay eun ro babaye.
Pagpanakaw ro ginatan-aw nga anggulo it pagpatay sa persona bangud sa mga nagkaeat nga gamit sa kwarto./JIL B. LACSON
