WALAY nakita nga aksyon ang kapitan sa Brgy.Fatima nga si Renante Curit sa DILG kalabot sa mga barangay officials nga lantaran sa pagsuporta sa ilang mga kandidato karong eleksyon.
Matud ni Curit kaniadto pa nga wala kini may nasayran nga may gisilotan nga barangay official nga nasutang nagasuporta og kandidato sa eleksyon.
Gitino pa niini nga klaro matud pa sa kamanduan sa DILG nga non partisan ang mga barangay official apan sa nakit-an niini, adunay mga barangay captain nga dayag sa ilang pagsuporta sa ilang kandidato.
Kinahanglan matud pa nga hatagan og ngipon ang maong balaod aron nga dili sundon sa uban tungod ang kapitan o barangay official angayan nga neutral lang.
Isip pagsunod sa kamanduan sa DILG alayun sa eleksyon nga non political ug non partisan ang mga barangay officials, nagpasa og resolusyon ang Brgy.Fatima aron nga hatagan og pagtagad ang maong direktiba nga kini sundon ug dili lapason.
