Pinayagan ng Philippine Ports Authority (PPA) ang 100% na passenger capacity sa mga sasakyang-pandagat sa lahat ng pantalan sa bansa.
Ayon kay PPA General Manager Atty. Jay Daniel Santiago, dahilan ito sa pagbaba ng Alert Level 1 sa maraming lugar sa Pilipinas.
Inabisuhan din ang lahat ng mga pasahero na siguraduhing kumpleto ang mga kinakailangang mga requirements base sa kanilang mga pupuntahan.
Dagdag pa ni Santiago, depende pa rin sa mga lokal na pamahalaan kung ano ang mga dukomentong kailangan nila ayon sa Alert Level classification nito.
Samantala, pinag-iingat pa rin ang publiko at sundin ang mga health protocols na ipinatutupad sa mga pantalan katulad ng pagsusuot ng face mask at pananatili ng social distancing. (ARGIE ERGINA)
