CAMARINES NORTE- Umaabot na sa 2, 350 mga bata sa lalawigan ng Camarines Norte na edad 5- 11 taong gulang ang nakatanggap na ng bakuna kontra COVID- 19 dalawang linggo matapos na simulan sa lalawigan ang pagbabakuna sa naturang age group.
Batay ito sa datos ng Provincial Covid- 19 Vaccination Operation Center as of March 25, alas 6 ng umaga.
Ito ay dalawang porsiento pa lang ng 97, 638 na target bakunahan.
May pinakamataas na porsiento ng nabakunahan sa Capalonga na mayroon nang 459 mula sa target na 5, 393 o 9 percent.
Sinusundan naman ito ng Basud na mayroon nang 408 o 6 percent ng target na 6, 864.
Apat na bayan naman ang mayroon pa lang tig- iisang porsiento.
Hinihimok ng Department of Health ang mga magulang na pabakunahan ang kanilang anak para magkaroon ng proteksyon laban sa COVID- 19.
