NAGA CITY- Pormal nang magsisimula ang pangangampanya ng mga kandidato lokal ngayong araw Marso 25, 2022.
Asahan na ang kaliwa’t-kanang pagtitipon , parada at kung anu-ano pang pakulo ng mga politiko. Kasama rin sa nakaugalian na sa Pilipinas ang pagbibigay ng Election Money.
Sinabi sa Brigada News FM Naga ni Fr. Louie Occiano, head ng Caceres Commission on Communication, kung maaari sana aniya ay huwag kunin ngunit hindi maikakaila na tinatanggap ang pera dahil sa pangangailangan. Tandaan aniya na ang boto ay Sagrado at hindi dapat nabibili ng mga kandidato.
Maging matalino aniya sa paghalal, maraming batayan sa tamang pagpili.
