Nagpa blotter sa Kalibo Municipal Police Station ru sangka eaeaki matapos ma biktima it pekeng P500 bill halin sa sangka remittance Center sa New Washington.
Suno sa tag-reklamo, gin withdraw na ru naga balor it P3,000 nga kwarta sa sangka remittance Center sa Pob. New Washington, Aklan.
Ag dayon nag bakae it bueong sa balor nga P500 sa sangka parmasya sa Kalibo.
Uwa pag batuna it cashier ru kwarta matapos mapan-uhan nga peke ru nasambit nga bill.
Tuman ka kibot it tag reklamo ag eagi na nga gin balik sa remittance Center apang uwa man pag batuna ru nasambit nga kwarta it remittance Center.
Raya hay dahil sigun sa sobra sang oras eon nga naka guwa ru kwarta.
Gin paka mayad lang it biktima nga mag pa blotter sa nasambit nga PNP Station.//MARIVIC Y. ILIN
