Gipasiguro sa Commission on Election Northern Mindanao ngadto sa mga provincial, municipal ug city comelec officers ang paghan-ay sa mga mga palisiya ug criteria sa posibling ipahigayon nga local debates alang sa mga lokal nga kandidato sa May 9, 2022 national and local elections.
Sumala ni Comelec-10 Regional Election Director Atty. Francisco Pobe nga dinhe sa local level wala pay gi-organisa nga PiliPinas debates sama sa nasyunal nga posisyon, apan dunay hangyo gikan sa lungsod sa Opol, Misamis Oriental nga magpahigayon sa debate.
Gipasabot niini nga kinahanglan nga ma-plastar ang mga gabayan aron nga malinawon ang pagpahigayon sa debate ug malikayan ang mga kakulian.
Gihimo ang maong hangyo dungan sa nagkaduol nga pagsugod sa local campaign period karong umaabot nga adlaw nga Biyernes, Marso 25 ning tuiga.
