Inirekomenda ng ilang infectious disease specialist nitong Biyernes na dapat ay mabakunahan muna kontra COVID-19 ang 90% ng 109 million population ng Pilipinas bago ang deescalation sa Alert Level 0.
Ito ay matapos sabihin ni Health Secretary Francisco Duque III na pinag-aaralan na kung dapat bang alisin o panatilihin ang mandatory use ng face masks kung sakaling ma-implementa ang Alert Level 0, ngayong nagpapatuloy ang pagbagsak ng COVID-19 cases.
Sa Laging Handa briefing ay sinabi ni Dr. Rontgene Solante, head ng adult infectious diseases sa San Lazaro Hospital sa Manila, na pinaghahandaan na ng Inter-Agency Task Force Against COVID-19 ang pagpapatupad ng Alert Level 0.
Pero kung siya aniya ang tatanungin ay kailangan munang mabakunahan ang 90 percent ng populasyon.
Samantala, inihayag ni Health Undersecretary Myrna Cabotaje na nag-adjust na ang gobyerno na maabot ang 90 million target nito para sa full vaccinated na indibidwal sa katapusan ng June bilang paghahanda sa mga bagong COVID-19 variants.
Sa ngayon ay tinatayang nasa 63.9 million na katao na ang fully vaccinated sa bansa kabilang na ang 10.6 million na nakatanggap ng booster shots noong Miyerkules.
