Subling abrihan karong umaabot nga Marso 24, 2022 ang Roxas Night Market alang sa publiko human ang duha ka tuig nga pagsirado tungod na sab Covid-19 pandemic.
Una na nga giplastar ug gihisgotan sa local nga panggamhanan ang subling kaabrihan human nga gibutang sa Alert Level 1 ang dakbayan sa Davao.
Gikanayon ni Paul Bermejo, head sa Ancillary Services Unit nga sa higayon nga abrihan na ang Roxas night market kinahanglan dili babagan sa mga vendors ang bicycle lanes.
Anaa sa 500 ka mga vendors ug massage therapists ang nawad-an og panginabuhian human nga gidesisyonan sa lokal nga kagamhanan ang pagsirado niadtong Marso 12, 2022 aron makalikay sa pagkuyanap sa Coronavirus.
Sa karon, gipaabot na lamang ang mga sumbanan nga ipatuman sa Roxas Night Market.
