GIPAILAWOM sa state of calamity ang Maitum Sarangani Province human naapektuhan ang 10 ka Barangay ug 85 ka pamilya tungod sa pag-awas sa tubig gikan sa Pangi ug Kalaong River gumikan sa kusog nga pag-ulan nakalabay nga gabei.
Sumala ni Rene Punzalan, labaw sa Provincial Disaster Risk Reduction and Management Office kun PDRRMO Sarangani, nagpulong na ang tanang opisyal sa Munisipyo sa Maitum aron maghimog lakang sa pagtabang sa tanang pamilya nga apektado.
Padayon pang ginasuta ang kinatibuk-ang damyos sa mga balay nga naagian sa kusog nga baha. Sa karon nagpabilin sa gymnasium ang mga residente, ug wala pa sila gitugtan nga mobalik sa ilang mga panimalay. Daghan na usab ang nag-abot nga mga hinabang sama sa mga pagkaon, tambal, tubig, ug uban pa.
