Uman nga inaresto si Carlo Astorias, dating brodkaster, 48yo ag presenteng nagaistar sa Brgy. Ochando, New Washington, Aklan.
Gin-aresto raya it gintingob nga pwersa it CIDG, Kalibo PNP ag 1st Aklan Mobile Force Company.
Ginserbi kana ro warrant of arrest para sa kasong libel nga may criminal case No. 2021-1854 nga gin-isyu ni Atty. Kelly A. Sarmiento it RTC, NCJR Branch 258 Parañaque City nga may petsang January 4, 2022.
Insigida man raya nga nakahilway matapos magpiyansa it P10,000. / ANN DESLENE SALAZAR
