NATUMBOK na sa otoridad ang potensyal nga hotspots o areas of concern sa region 12 (Soccsksargen) kalabut sa May 9 local and national elections. Matud ni Lt. Col. Ma. Joyce Birrey, tigpamaba Police Regional Office-12, gigamit nila ang mga kolor sama sa green, yellow, orange ug pula.
Isip indicators sa degrees sa election-related violence sa usa ka lugar base sa nasabutan sa atol sa regional coordinating conference with Commission on Election (Comelec). Apan wala kini naghatag og pangalan sa lugar nga gibutang nila sa nagkadaiyang katergorya.
Pipila ka lugar sa rehiyon ang naa sa red category o election areas of grave concern, dunay usab lokalidad ang naa sa ilawom sa orange category o areas of immediate concern, dunay mipailawom sa yellow o areas of concern ug dunay kapin napulo ka areas ang naa sa green o peaceful areas.
Ang lugar nga gipailawom sa yellow category mao ang dunay history sa election-related violence ug init nga away pulitika. Samtang sa orange dunay samang sitwasyon ug nay bahad gikan sa domestic terrorists ug ubang armed groups. Kalabut niini, nakaalerto na ang kapulisan sa seguridad sama sa pagbutang og 13 ka fixed chekcpoints. Hugot gibantayan sa kapulisan ang seguridad sa 45 munisipalidad ug upat ka siyudad sa rehiyon. I Richel Gubalani
