AGRESIBO na ang kampanya sa kapulisan batok loose firearms dungan sa nagkaduol nga May 09 national ug local election. Matud ni PMajor Roger Albacete, deputy chief sa Regional Civil Secuity Unit (RCSU) base sa ilang datus daghan ang nag-apply og exemption sa Comelec rules sa gun ban.
Apan dunay mga taho kanila ug sa local police nga dunay gihapon mga indibidwal nga naghupot og dili lisensiyado nga armas. Kini ang ilang punting karon dili lang sa operasyon kauban ang local police kung gipakusgan nila ang one-stop shop alang sa License to Own and Possess Firearms (LTOPF) ug rehistrasyon.
Tumong niini ang masiguro nga dili magamit isip instrument ang ‘goons’ ug loose firearms sa pagsabwag og kagubot sa eleksyon. Sukad pagsugod sa LTOPF caravan atong Enero mokabat na sa 2,000 ka gun owners ang nakarenew ug nagparehistro sa ilang pusil. I Richel Gubalani
