ARON ma-monitor sa mga miyembro sa KaBrigadahan GenSan ang tanang gasulod nga donasyon gikan mismo kanila, gibutyag ni Brigada Elmer V.Catulpos nga mag-publish og applications o app sa cellphone aron magpadayung transparent ang programa.
Sa maong app makita sa mga miyembro ang nakolekta nga hinabang, kinsa ang gitagaan ug kantidad nga nadawat sa mga natabangan nga miyembro.
Gidugang pagpaklaro ni Brigada Elmer nga sukad namugna ang programa, halos P14 milyones pesos na ang nakolekta ug tanan nabalik sa mga miyembro pinaagi sa hinabang ug walay naadto sa iyang bulsa o gigamit sa iyang pagpapili sukwahi sa ginalabay nga pagpangdaut ngadto kaniya.
Alang sa Ama ng Brigada, wala kini angayang pamatud-an gawas sa mga miyembro sa KaBrigadahan Gensan mao nga gusto nga mamugna ang maong applications.
Anaa matud pay record ang tanang kwarta ug ginapasalamatan ang tanang community officer nga wala gayud sweldo apan tungod sa gugma nga makatabang, padayun sila sa ilang ginahimo ug gitawag kini nga mga bayani ni Brigada Elmer.
