SUBLING nagpahinumdom ang labaw sa kapulisan sa rehiyon-12 sa mga sakop nga magpabilin ‘neutral’ ug ‘non- partisan’ sa pulitika tungod sila ang nagrepresenta sa organisayon.
Matud ni PBGen. Alexander Tagum, regional director sa Police Regional Office 12 (PRO) 12 angayang likayan sa mga pulis ang paghatag og suporta sa mipapili nga kandidato atol sa election period. Ang kapulisan ang dunay katungod sa pagbotar isip citizens sa nasud apan kinahanglan nga dili magpakita og suporta sa kandidato.
Kinahanglang magpukos ang kapulisan sa ilang responsibilidad sa pagpasiguro sa kahapsay sa seguridad sa eleksyon sa rehiyon. Ang molambigit sa partisan ang posibleng mag-atubang og kasong administratibo nga dunay silot.
Gihingusgan niini nga isip miyembro sa organisasyon responsibilidad nila ang protektahan ang imahe ug limitahan ang aksyon nga dili molayo sa ilang mandu. Kahibaloan nga gimandu na usab sa opisyal sa kapulisan ang pagbalhin og assignment sa sakop nga dunay kabanay nga miapel sa pagpapili sa eleksyon sa May 09. I Richel Gubalani
