Ginbasura eun it Dr. Rafael S. Tumbokon Memorial Hospital (DRSTMH) ro polisiya kara nga kinahangean nga magpaidaeom sa Rapid Antigen Test ro mga bantay it pasyente sa nasambitan nga ospital.
Raya ro naging kumpirmasyon it Aklan Provincial Hospital Admin Officer.
Maliban pa dikara, ginpasugtan man ro mga bantay nga maguwa sa ospital para makabakae it mga kinhangean it naka-confine nga pasyente.
Pero mahugot gihapon nga ginabaewae ro pagbisita sa ospital ag nagapdayon nga sambilog eamang ro bantay it kada pasyente.
Matandaan nga sa kasagsagan it COVID-19 surge sa probinsiya, nagpaguwa it memorandum si Aklan Provincial Hospital Acting Chief Dr. Leslie Ann Luces nga mag-stay in ro tanan nga mga bantay kaibahan it andang mga pasyente ro naka-confine sa ospital./JIL B. LACSON
