KORONADAL CITY- MAGSASAGAWA ng auction sale ng mga real properties na may delinquent taxes ang provincial government ng South Cotabato.
Ayon kay Local Treasury Operations Officer o LTOO IV Mario Sorongon ng Provincial Treasurers Office (PTO)na sinimulan na nila ang pag-isyu ng Notice of Delinquencies sa mga real property owners bilang paghahanda sa isasagawang auction sale sa buwan ng Oktubre ngayong taon.
Kaugnay nito, hinihikayat ni Sorongon ang mga real property owners na may delinquent taxes na makipag-ugnayan sa kanilang tanggapan at magbayad ng buwis upang hindi masubasta ang kanilang mga ari-arian.
Ang auction sale ay isang hakbang upang mapaigting pa ang real property tax collection ng lalawigan.
