Sambilog ka ilongga scientist nga ginkilaea nga si Maria Isabel Layson, 18-anyos ro nakeakip sa Young Shapers of the Future 2022 it Britannica bangud sa pagkadiskubre nanait buoeng sa diabetes gamit ro antioxidant compounds halin sa aratiles.
Si Layson hay presente nga estudyante it BS Chemistry sa University of the Philippines-Visayas,nag-umnpisa ro anang pag-istudyo sa aratiles samtang naga-eskwela pa raya sa Iloilo National High School-Special Science Class program.
Ginpadayon nana ro anang research sa Food and Nutrition Research Institute laboratory sa Manila.
Matandaan nga ku May 2019, naging representative man raya it Pilipinas sa Intel International Science and Engineering Fair sa Phoenix, Arizona, para ipresenta ro anang research.
Sa parehong dag-on, nagda-og si Layson it Best Individual Research in Life Science sa National Science and Technology Fair it Department of Education./JIL B. LACSON
