Giangkon ni Davao City Mayor Inday Sara Duterte-Carpio nga dili una niya tugutan ang pagpahigayon og mga political o campaign rallies ang Davao City.
Sigon sa alkalde, sa maong kalihukan makompromiso ang mga health protocols ilabi na ang social distancing nga maoy rason sa iyang pagduha-duha sa paglusad og political rally.
Gani gibutyag niini ang wala nahinayon nga rally sa Crocodile Park niadtong Sabado isip suporta sa mga Dabawenyo sa iyang kandidatura, apan iyang gipakansela human nasayran nga anaa sa lima hangtud pito ka libo ang gilaumang mosalmot.
Bisan matud pa pabor kini sa iyang kandidatura apan gihingusgan ang responsibilidad isip alkalde sa pagprotekta kaluwasan ug kahimsog sa mga Dabawenyo.
Gitataw sa Mayor nga kinahanglan kunsultahon ang City Health Cluster kung luwas ang paglusad og dagkong panagtagpok ilabi na nga gipaubos sa Alert Level 1 ang syudad sugod kagahapong adlawa hangtud petsa 15 karong bulan sa Marso. BNFM-DAVAO