Dahil sa pagnaba it COVID-19 classification Alert Level sa probinsiya it Aklan, epektibo eun makarang adlaw, Marso 1 ro 100% seating capacity sa tanan nga mga pampublikong transportasyon sa probinsiya.
Ro nasambitan nga kasuguan hay base sa ginpaguwa nga Executive Order No. 009 Series of 2022 ni Aklan Gov. Florencio Miraflores.
Pero ginpaandaman gihapon it mga health authorities it Aklan nga mahuogt gihapon nga pagasundon ro mga minimum health standards agud malikawan ro pagkaeat it COVID-19 virus./JIL B. LACSON
