Disgrasya ro haabutan it bag-ong abot nga OFW (Overseas Filipino Worker) matapos raya nga mabangga it motorsiklo nga ginamaneho it hilong nga manugturo.
Base sa pahayag it Altavas PNP, nagatindog eamang sa gilid it kaesada ro biktima nga OFW nga ginkilaea nga si Armenia Dela Vega, 41 anyos ag residente it Camanci, Batan kat mabangga raya it motorsiklo nga ginamaneho man ni Bryan Mejiah, sambilog ka public school teacher ag residente man it Linayasan, Altavas.
Bangud sa mabaskog nga impact, perehong natumba ro daywa ka persona.
Matapos ro aksidente, ginsugod sa ospital ro daywa para mataw-an it nakaigo nga pagbueong ag presente nga sa kustodiya eun it Altavas PNP ro teacher nga sa idaeom pa it impluwensiya it alak./JIL B. LACSON
