Arestado ro sambilog kaeaeaki nga ginkilaea nga si Sadam Villanueva, 31-anyos it Sitio Kawatihan Brgy. Pook, Kalibo, Aklan matapos magnakaw segun it pagbueang nga manok sa Brgy. Estancia, Kalibo.
Base sa Kalibo Auxillary Police, napan-uhan nada nga indi mahimayang ro eaeaki rason agud nga magduda sanda dikara.
Gintawag nanda si Villanueva agud mausisa ro bitbit nga sako, bigla eang segun nga nagdeagan ro laeaki pero insigida man raya nga nadakop it mga otoridad.
Nadiskubrehan nga ro sueod it sako hay sambilog ka pambueang nga manok ag ginkutana kung siin raya naghalin nga ginsabat man ni Villanueva nga halin sa delihensya.
Bangud man sa padududa, gindaea it KAP sa Kalibo PNP ro suspek ag idto gin-amin nga ginakaw nana ro manok ag tuyo nga ibaligya sa balor nga P1,000.00 para makabakae it bugas.
Pagkataliwan it pilang oras, may nagreport nga indibidwal nga naduea ro anang pangbueang nga manok ag positibo nga ginkumpirma nga imaw ro tag-ana it manok nga gintakaw it suspek.
Nagapangatubang makara sa kasong Theft si Villlanueva./JIL B. LACSON
