KORONADAL CITY- PINOPROSESO na ng Philippine Statistics Authority (PSA) Region 12 ang pagbubukas ng Civil Registry System o CRS outlet sa Koronadal City.
Ayon kay Philippine Statistics Authority o PSA 12 regional director Atty. Maqtahar Manulon na ito ay ilalagay sa kanilang regional office sa lungsod.
Inihayag ng opisyal na kaunting panahon na lamang ang hihintayin ng mga mamamayan dahil may mga rekisitos at polisiya na lamang silang kailangang i-comply para sa establishment ng CRS outlet.
Oras na maisakatuparan, hindi na mahihirapan pa ang publiko sa pagpunta sa General Santos City upang kumuha ng civil registration documents katulad ng birth, death, at marriage certificate at certificate of no marriage o CENOMAR.
Inaasahan na ngayong taon, maitatayo na ang naturang pasilidad sa Koronadal.
