Ro partisipasyon it PNP sa Oplan Baklas hay limitado eamang sa pagpadayon it kahilwayan ag pagtao it seguridad sa mga katapo it Comelec nga ginmanduhan nga magkakas it mga illegal campaign materials. Ro mga pulis mismo hay uwa ginapsugtan nga magkakas kara.
Base kay Police Lieutenant Colonel Arnel Solis, uwa pa it reklamo nga nabaton ro PRO-6 angot sa mga pulis nga aktibo nga nagkakas it campaign materials it mga kandidatong magadaeagan sa May 9, 2022 elections.
Ginpahanumduman man ni Solis ro mga kapulisan it PRO-6 nga mapadayon nga neutral sa pulitika. Ginsaylo ku kan-o eamang it PRO-6 ro 136 ka mga kapulisan para sa andang re-assignment.
Ro 136 ka mga kapulisan hay mga Police Non-Commissioned Officers (PNCOs) – 24 halin sa Aklan, 23 halin sa Capiz, 20 halin sa Antique, an-um halin sa Guimaras, 36 halin sa Iloilo, ag 27 halin sa Negros Occidental./JIL B. LACSON
