Hinimok ng election lawyer na si Romulo Macalintal ang Commission on Elections (Comelec) na isuspende ang kanilang “Oplan Baklas” drive para tanggalin ang improper campaign materials.
Ito’y matapos sabihin ng poll spokesperson James Jimenez, na rereviewhin ng Comelec ang mga panuntunan sa pagpapatupad sa gitna ng mga reklamo mula sa mga kandidato.
Mababatid na sa unang pag-arangkada ng naturang programa, binaklas ng mga otoridad ang mga campaign posters na nasa loob ng mga private properties, maging ang mga murals ng mga kandidato.
Ang naturang hakbang ay inalmahan ng mga kandidato at ng kanilang mga tagasuporta.
Sa harap nito, nilinaw ng Comelec na sa kanilang Resolution 10730, ang IRR ng Republic Act 9006 o ang Fair Election Act, na nagbabawal sa mga lawful election propaganda materials sa labas ng mga common poster areas, maliban sa private property na may pahintulot sa may-ari, hindi kasama ang murals, bagay na kailangan umano nilang suriin muli. //MHEL PACIA-TRINIDAD
