Umabot eun sa 74 ro nadakop nga nag-eapas sa gun ban nga ginpatuman it COMELEC sa Western Visayas.
Raya hay base sa pinakabag-o nga datos nga ginpaguwa it Police Regional Office 6.
Sa nasambitan nga numero, narekord ro pinakamaabong numero it mga violators sa Negros Occidental nga may 34, nagapangyawa ro Iloilo Province nga may 12, tig-pito sa Aklan ag Bacolod City, lima sa Iloilo City, tig-ap-at sa Antique ag Capiz, ag sambilog man sa Guimaras.
Sa kabieogan may 49 ka mga baril ag 31 ka mga bladed weapons ro nakumpiska it taeatapan./JIL B. LACSON
