NAKA-ALERTO ang kapulisan sa probinsiya sa Sarangani batok sa terror threat ug sa taliabot nga eleksyon.
Matud ni PCol. Nicomedes Olaivar, director sa Sarangani Police Provincial Office (SPPO) ang pag-alerto nila ang aron masiguro ang seguridad sa katawhan sa lugar.
Giangkon niini nga kanunay nilang gikonsidera ang bahad pangseguridad rason sa pagpakatag sa police intelligence experts aron makita ang numero sa terror threats.
Miapela si Olaivar partikular na sa mga motorista nga tas-an pa ang pasensiya sa hugot nga pagpatuman sa seguridad sa checkpoints.
Gimandu usab niini ang tanang presinto nga magpabiling visible sa travel routes, transport terminals, public cemeteries ug uban pang pampublikong lugar.
Gitan-aw nila karon ang mga posibleng bahad sa mga mass support sa pipila ka mga terror group.
Giangkon sa opisyal nga gikonsiderang bahad sa probinsiya ang New People’s Army (NPA), nagkadaiyang local terror group ug international terror group. | Richel Gubalani
