Aklan, nakarekord it naganaba nga kaso it COVID-19 cases makarang buean
Presente nga ginpa-idaeom sa Alert Level 2 ro probinsiya it Aklan bangud sa padayon nga pagnaba it numero it mga kaso it COVID-19 cases sa rehiyon.
Raya hay base sa Inter-Agency Task Force for the Management of Emerging Infectious Diseases.
Ro two-week moving average hay nagnaba sa 82% makarang Pebrero kumpara sa nagtaliwan nga daywa ka dominggo ku Enero 18 hasta 31 nga may average nga 98 ka kaso.
Nagnaba man ro hospitalization sa rehiyon, nga may 32 katwao ro na-admit sa mga ospital kumpara sa 73 ku Pebrero 1.
Sa pinkaulihi nga datos, may 164 aktibong kaso ro Aklan./JIL B. LACSON
