Ginsigurado it city police office it probinsiya it Capiz nga andang imbestigahan ro pagbieog uman it double-your-money investment scheme.
Base kay Police Lt. Col. Aaron Palomo, chief of police it Roxas City Police Station, nabaton eun nanda ro memorandum halin sa lokal nga gobyerno it Capiz nga nagamandu sa andang taeatapan agud imbestigahan ro iligal nga operasyon ag mapreso ro mga iligal nga operator.
Ginsigurado nanda nga indi pagkunstihon it mga kapulisan ro makarayang klase it mga aktibidad.
Nag-apela man ssi Palomo sa publiko nga indi maging biktima it makarayang klase it mga investment scheme.
Sa presente, uwa man it nareport nga nagreklamo sa double-your-money investment scheme sa probinsiya./JIL B. LACSON
