Indi eon kinahangean nga mag pakita it negative RT-PCR Test result ru mga turista nga fully vaccinated pasueod sa isla’t Boracay.
Base sa Executive Order No. 001-A Series of 2022 nga permado ni Aklan Governor Florencio Miraflores, sa mga turista nga halin sa Western Visayas nga naga gamit it pribadong vehikulo kinahangean ru litrato it plate number it behikulo.
Samtang kun naga gamit it pam publikong transportasyon hay pweding magamit ru Certificate of Undertaking para sa Travel Details Template nga pweding mabuoe sa link nga aklan.gov.ph.
Para sa mga turistang Aklanon ng anaga estar sa Aklan, kinahangean nga fill-up ru Online Health Declaration Card (OHDC) pina agi sa touristboracay.com.//MARIVIC Y. ILIN
