Gipadayon ni Davao City Mayor Inday Sara Duterte-Carpio ang pagpatuman sa prevention, detection, isolation and quarantining, treatment o PDITR strategy.
Kini nunot sa duha ka semana nga surge sa Covid-19 sa dakbayan sa Davao nga gilaumang mulungtad pa hantod tunga-tunga sa bulan sa Marso.
Gani, anaa na sa 822 ka mga balay, usa ka building, ug usa ka compound ang gipang-lockdown.
Dugang sa Mayor nga pabilin nga hagit alang sa mga contact tracer ang pagpangita sa mga na exposed sa mga nagpositibo sa virus, ug pipila lamang ang gagamitan sa Safe Davao QR.
Kasamtangan, sa kinatibuk-ang 2,606 isolation ug quarantine beds, 889 na lamang niini ang bakante.
