Mabahoe ro posibilidad nga igapa-idaeom sa Alert Level 4 ro siyudad it Iloilo kung padayoin ro pagtaas kaso it COVID-19 sa lugar.
Ro Alert Level 4 hay ro panaywa sa pinakamataas nga COVID-19 Alert Level System it Inter-Agency Task Force of the Management of Emerging Infectious Diseases (IATF-MEID). Raya hay ginadeklara sa mga lugar kung siin ro mga numero it mga kaso hay mataas o nagataas.
Base sa datos, naglampas eun sa 70% ro bed ag ICU utilization rate it probinsiya. Padayon man nga nagataas ro mga impeksyon sa COVID-19. Ku kan-o eamang, naglista ro Iloilo City it 635 ka mga bag-ong kaso, raya ro pinakamataas sa Western Visayas.
Sa datos it City Epidemiology Surveillance Unit (CESU) it City Health Office (CHO) halin Enero 1 hasta 22 may kabieogan nga rekord nga 4,223 ka mga kaso ro siyudad. Sa mga nasambitan nga kaso, 2,382 ro narekord sa suoed eamang it limang adlaw halin Enero 18 hasta 22./JIL B. LACSON
