Pormal nang giinagurahan kagahapong adlawa ang Davao City Mental Health Center nga gipangunahan ni Davao City Mayor Inday Sara Duterte-Carpio.
Ang maong pasilidad gitagana alang sa mga latagaw ug dunay problema sa pangisip nga indibidwal nga duna usab outpatient counseling service center.
Sa mensahe sa alkalde, gihatagan niini’g punto ang paghatag og saktong atiman sa mga tawo nga napasagdan na ang kaugalingon tungod sa ilang emotional ug sikolohikal nga suliran.
Usa matud pa ka welcome initiative sa lokal nga panggamhanan ang Davao City Mental Health Center dili lamang aron masiguro nga dunay komportableng dangpanan, apan aron usab matubag ang stigma sa mental health ug pagpataas sa kahibalo sa komunidad
Ang naasoy nga pasilidad gipondohan og P26M nga gisugdan og tukod niadtong Pebrero 2021 nahimutang sa SPMC-IPBM Compound, Claveria St, Poblacion District. BNFM-DAVAO
