Inadopt ng PDP-Laban faction na pinangungunahan ni Energy Secretary Alfonso Cusi bilang vice-presidential bet si Davao City Mayor Sara Duterte-Carpio.
Sa isang pahayag sinabi ng partido na nakatitiyak silang ipagpapatuloy ni Mayor Sara ang mga nasimulan ng ama nitong si Pangulong Rodrigo Duterte.
Dahil dito pursigido umano ang PDP-Laban na suportahan si Sara sa darating na May 2022 Election.
Gayunpaman wala naman inilabas na pangalan ang partido kung sino ang i-eendorso nitong kandidato sa pagka-pangulo.
Paliwanag ni Cusi, wala pa silang desisyon kung sino ang susuportahan sa pagka-Presidente dahil patuloy pa nilang sinusuri ang mga kandidatong magtutuloy sa mga nasimulan ng kasalukuyang administrasyon.
